இலங்கையின் மூத்த பதிவர் வந்தியத்தேவன் என்ற மாமனிதரைப்பற்றி அறியாதவர்கள் யாருமில்லை. அந்தவகையில் அவரை நான் இதுவரை சந்தித்ததில்லை. ஆனால் இன்று காலை அவருடன் மெயிலில் அரட்டை அடிக்கும் பொன்னான வாய்ப்புக்கிடைத்தது. மிகவும் நகைச்சுவையுணர்வுடைய மனிதர் அவர். ஆனால் மிகுந்த அறிவாளி, சந்தேகங்களை தேங்காய் உடைப்பதுபோல் சல்லிசல்லியாக உடைத்துக் கூறக்கூடியவர்.
முதலில் பின்நவீனம் என்றால் என்ன என்று எனக்கு தெரியாது என்று எப்படி அறிந்தாரோ தெரியவில்லை. அதைப்பற்றி சிறப்பான ஒரு விளக்கத்தை அளித்தார். அவரின் விளக்கத்தில் இருந்த தெளிவு என்னை பிரமிப்பில் ஆழ்த்தியது. அதன் பின்னர் ஐந்தாம் வகுப்பில் தனக்கு ஏற்பட்ட சில இளநீர் குடித்த அனுபவங்களை சற்று பின்நவீன முறையில் குறிப்பிட்டு நான் அறிந்தும் அறியாத வகையில் பின்நவீனம் எனக்கு விளங்கியிருக்கிறதா என பரீட்சித்த முறையில் அவருக்கு நிகர் அவரே.
ஆனால் வந்தியண்ணாவுக்கு சின்ன வயதில் தான் தென்னக்குருத்தை வைத்து கிறிக்கற் ஆடியதாகக்குறிப்பிட்டவருக்கு இளநீரில் காணப்படும் மருத்துவ குணாம்சங்கள் மற்றும் சின்னச்சின்ன விடயங்களை வைத்து எப்படிப்பதிவெழுதுவது என்று வந்தியண்ணா கூறிய விடயங்கள் இன்னும் என்ன மனதில் பசுமரத்தாணிபோல பதிந்து கிடக்கின்றது.
அதன் பின்னர் கிறிக்கற் பற்றிய கதை அப்படியே சர்வதேச மட்டத்துக்கு திசை திரும்பியது. தற்போது கிறிக்கற் போட்டிகளுக்கு தயாரிக்கப்படும் தட்டையான ஆடுகளங்கள் டெஸ்ட் போட்டி மற்றும் பந்துவீச்சாளர்களைப் பாதிப்பது பற்றி கவலை வெளியிட்டவர். ஆனால் அடித்தாடுவதற்கும் ஏற்ற ஆடுகளங்கள் அவைதான் தற்போதைய இளம் சந்ததியினர் வேகமான அடித்தாடும் ஆட்டத்தையே விரும்புகின்றனர் என்ற கருத்தை இறுதியாகக் கூறி படங்களுடன் விளக்கிய முறையில் கிறிக்கறிலும் இவர் ஒரு மேதாவி என்பதை அறிந்து வியந்தேன்.
இவ்வாறான ஒரு சகலகலவல்லவனுடன் அரட்ரையில் ஈடுபட்டுக்கொண்டிருந்து விட்டு நேரத்தைப்பார்த்தேன் பகல் 1.30 அடக்கடவுளே 5 மணிநேரம் அரட்டையில் ஈடுபட்டிருக்கிறேனா? இப்படி ஒரு பதிவரை, சகலகலாவல்லவரை, விளையாட்டு, அனுபவம், சினிமா, போன்ற எல்லா விடயங்களையும் அதைவிட பதிவுலக விடயங்களை தனது விரல் நுனியில் வைத்திருந்த வந்தி அண்ணாவை என்ன சொல்லிப்பாராட்டினாலும் தகும்.இப்படியான ஒரு மனிதரின் நட்புக்கிடைக்க நான் கொடுத்து வைத்திரக்க வேண்டும். ஆனால் இன்னும் இவரை நேரில் சந்திக்காதது பெரும் குறையே...
எல்லாத்துக்கும் நன்றி வந்தியண்ணா...
Tweet
எனது சீனியரைப் பற்றி இவ்வளவு புகழ்ந்து எழுதியமைக்கு மிக்க நன்றிகள்...
அன்புடன், பொறுப்புடன்
ஜுனியர்...