சின்ன வயதில் நாம் அனைவரும் SEESAW, ஊஞ்சல், சறுக்கு(SLIDE)ஆகிய மூன்று விளையாட்டுக்களை கட்டாயம் விளையாடியிரும்போம். ஆனால் காலாகாலமாக இந்த விளையாட்டுக்களை விளையாடி வந்தாலும் இதற்குள் ஒளிந்து கிடக்கும் உலகமகா வரலாற்றுத் தத்துவங்களை அறிந்துகொள்ள மறந்தவிட்டோம். அதை நேற்று இரவு தூக்கம் வராமல் சீலிங் ஃபான் கழன்று மண்டையில் விழுமா விழாதா என்று பயந்துகொண்டிருந்த வேளையில் என் சிந்தையில் உதயமானது இது.

• ஊஞ்சல்

முதலாவதாக ஊஞ்சலுக்கு வருவோம். ஊஞ்சலில் ஆடும் போது காலால் நிலத்தில் விசையைப் பிரயோகித்து எவ்வளவு தூரம் பின்னால் போகிறோமோ அதே அளவு மேலே போக முடியும். விசையை தொடர்ந்து பிரயோகித்துக் கொண்டிருந்தாதல்தான் மேலே போக முடியும் அல்லது கொஞ்சம் கொஞ்சமாக ஆட்டம் குறைந்து ஊஞ்சல் ஓய்ந்து விடும், ஆட்டம் நின்றுவிடும்.

இதிலிருந்து விளையாட்டைக் கண்டுபிடித்தவர்கள் சொல்லவருவது என்ன என்றால் வாழ்க்கையில் எதையும் முயற்சித்தால் தான் கிடைக்கும். ஒரு விடயத்தை தொடந்து முயற்சித்துக் கொண்டே இருக்க வேண்டும் அதாவது உழைத்துக் கொண்டே இருக்க வேண்டும். களைப்பாய் இருக்கிறது என்று விட்டால் ஆட்டம் நின்று ஓய்வெடுக்கவேண்டியதுதான் என்ற உலகமகா தத்துவத்தை சொல்லவருகிறார்கள்.

• சறுக்கு/சறுக்குமரம்

அடுத்ததாக சறுக்குமரம் (SLIDE) பார்த்தோமென்றால் அதில் ஒரு பக்கம் ஏணி இருக்கும், அதில் ஏறி சறுக்கிக் கொண்டு வந்து கீழே விழவேண்டும். அதாவது இதிலிருந்து அந்த விளையாட்டைக் கண்டுபிடித்தவர்கள் என்ன சொல்ல வருகிறார்கள் என்றால் வாழ்க்கையில் உயரத்துக்கு வருவது, சாதிப்பது, நல்லபெயர் எடுப்பது மிகவும் கஷ்டமான காரியம். இது அந்த ஏணியில் ஏறுவதைப் போன்றது. ஆனால் கெட்டபெயர் எடுப்பது, வாழ்க்கையில் அடிமட்டத்துக்க வருவது மிகவும் இலகுவானது. அது சறுக்கிக் கீழே வருவதைக் குறிக்கிறது.

எனவே இங்கு அவர்கள் சொல்ல வருவது என்னவென்றால் வாழ்க்கையில் உயரத்துக்குச் செல்வது பெரிய விடையமல்ல, ஆனால் வாழ்க்கையில் உயரத்துக்குப் போன பின்னர் சந்திக்கும் சரிவுகளை சறுக்குமரம் விளையாடும் போது சறுக்கிவிழுந்தவுடன் மறுபடியும் சளைக்காமல் ஏணியால் ஏறுவதைப் போல் மீண்டும் மீண்டும் மேலெ செல்ல முயற்சிக்க வேண்டும்.

• SEESAW

கடைசியாக SEESAWவைப் பார்த்தோமென்றால் இது வாழ்க்கையின் சமநிலை, எமது பலம் என்ன என்பவற்றைச் கருத்தில் கொண்டு எந்த முடிவுகளையும் எடுக்க வேண்டும் என்பதைக் குறிக்கிறது. அதாவது எம் பலத்தை விட அதிகமாக எதையாவது செய்ய முயற்சித்தால் மேலேயே போய் இருக்க வேண்டியதுதான் கீழே வரமுடியாமல் சிக்கிக்கொண்டு தவிக்க வேண்டியிருக்கும். அதுவே எமது பலத்துக்கு குறைவாக எந்த முடிவுகளை எடுத்தாலும் கீழேயே இருக்க வேண்டியதுதான். வாழ்க்கையை சமநிலையாகப் பேணவேண்டுமாயின் நமது பலம் பலவீனத்தை அறிந்து எம்மால் செய்ய முடிந்தவற்றை மட்டும் தேர்வு செய்ய வேண்டும்.
அப்போதுதான் வாழ்க்கையின் ஏற்றத்தாழ்வுகள் சந்தத்திற்கேற்ப அழகாக இருக்கும்.


அந்தக்காலத்தில் புதிய கண்டுபிடிப்புகளைக் கண்டுபிடிக்கும் குரு அதை தனது முதன்மைச்சீடனுக்கு மட்டும் சில புதிர்கள் அல்லது குறிப்புகளாக விட்டுவிட்டுப் போவார்களாம். அதை எதிர்கால சந்ததியினர் கண்டுபிடித்தால் பயனுள்ளதாக இருக்குமாம். இதுவும் அதுபோலதானோ என்னமோ! =P


பி.கு - சறுக்கீஸ் என்று நாமெல்லாம் குத்து மதிப்பா ஒரு பெயர் வைத்து விளையாடிய Sliding விளையாட்டுக்கு சறுக்கு மரம் என்று தமிழாக்கம் வழங்கிய கா.சேது ஐயாவுக்கு நன்றிகள் =))

நீண்டநாட்களுக்கு பின் ஒரு விடயத்தைசெய்வது பழைய காதலியை எதேச்சையாக சந்திப்பதை போன்றது. நிறையக் கதைக்க வேண்டும் போல இருக்கும் கதைக்க முடியாது, நிறைய எழுதவேண்டும் போல இருக்கு ஆனால் எழுதமுடியாது. 
வழக்கம் போல தூங்காமல் விழிந்திருந்து ஏதாவது பதிவெழுதலாம் என்று யோசித்து எழுத ஆரம்பித்து கடைசியில் அதை அரைகுறையாக விட்டுவிட்டு draftடில் save பண்ணிவிட்டு போய்விட்டுவிடக்கூடாது என்ற ஒரு சபதத்தோடு எழுத ஆரம்பிக்கிறேன். பார்க்கலாம் என்னதான் நடக்கப் போகுதோ!!!

முதலாவதாக உள்ள படத்தைப் பார்த்தால் உங்களுக்கு என் பதிவு என்று ஓரளவு புரியும். அதற்குப்பின்னர் இருக்கும் படங்கள் என்ன சொல்ல வருகிறது என்று கண்டுபிடியுங்கள் பார்க்கலாம்.


குறிப்பு 1- சரியான பதில்களைத் தாங்கிய பின்னூட்டங்கள் 24 மணித்தியாலங்களின் பின்னரே வெளியிடப்படும்.


குறிப்பு 2- அந்தப் படங்கள் தாங்கியிருக்கும் வார்த்தைகள் ஆங்கிலமாகவோ தமிழாகவோ இருக்கலாம். கண்டுபிடிக்க வேண்டியது உங்கள் பொறுப்பு.


உதாரணம்:
#01
 #02
 #03
 #04
 #05
விடைகள்: