#001
நண்பன் ஒருத்தன் லவ் செட் ஆகிட்டு மாப்புள எண்டான், நானும் Treat கேட்டன், அவன்ட வீட்டில இருந்து கிட்டத்தட்ட ஒரு மணித்தியாலம் Busல கூட்டிட்டு போய், ஏதோ ஒரு மூலையில் இருந்த முனியாண்டி கடையில ஒரு glass பால் வாங்கித்தந்து Treatடா Enjoy எண்டான்.
இன்னிக்கு "லவ் எல்லாம் எப்பிடி மச்சி" எண்டு கேட்டா நான் உனக்கு பால் ஊத்தினன், அவள் எனக்கு சங்கு ஊதிட்டாள்டா எண்டுறான் =P
#WhattaCoincident #LoveMatter #LMAO

#002
இப்பிடித்தான் இன்னொரு நாள் இன்னொரு நண்பனோட படம் பாக்கப்போயிருந்தன். அவனுக்கு அடிக்கடி Call வந்திட்டே இருந்திச்சு,
"எடுத்துக் கதையன்டா" எண்டன்,
"இல்லடா, நேற்று முழுக்க நான் Call பண்ணினன் அவள் Answer பண்ணல, So இண்டைக்கு நான் Answer பண்ணமாட்டன்" எண்டான்.
என்ன கறுமமோ எண்டு பேசாம விட்டுட்டன்.
அப்பறம் கொஞ்ச நேரத்தால அவனுக்கு Call வரல போல, சீரியசா படம் பாத்திட்டு இருந்த என்னை சுரண்டி, "டேய் என்னடா Call பண்ணுறதை நிறுத்திட்டாள்" எண்டு கேக்கிறான்.
#அவ்வ்வ்

#003
நண்பனோட ஒருநாள் Roadல நடந்து போய்க்கொண்டிருந்தன், அப்ப அவனுக்கு அவன்ட Loverட இருந்து call வந்திச்சு, அப்ப என்னை 2அடி முன்னால போக சொல்லிட்டு கதைச்சிட்டு வந்து கொண்டிருந்தான். அது ஒரு கும்மிருட்டான பாதை, paymentல ஒரு கல்லு உடைஞ்சு இருந்தது, கீழ நல்ல ஆழமான கான். அப்ப அவன் கிட்ட வரும் வரை wait பண்ணி "டேய் கீழ பள்ளம் பாத்துவாடா" எண்டன். அவன் அதைக் கணக்கெடுக்காம கடலை போட்டுக்கொண்டே வந்தான், நான் திரும்பத் திரும்பக் கத்தினன், அப்ப அவனுடைய Loverக்கே அது கேட்டிருக்கும் போல என்ன சந்தம் எண்டு கேட்டிருக்கிறா, அதுக்கு அவன் சொன்ன பதில்.
"அது ரோட்டில யாரோ ஒரு பிச்சைக்காரன், நீ சொல்லு செல்லம்"
டேய் உன்னைய அந்தக் குழியில போட்டு புதைக்காம விட்டது என் தப்புத்தான்.

டிஸ்கி 1: யாவும் கற்பனையே, யார் மனதையும் புண்படுத்த அல்ல.
டிஸ்கி 2: டிஸ்கி 1ஐ நம்பிட்டீங்கதானே எல்லாரும் =P

Image Courtesy: Waterbaby

"மழை பெய்கிறது என்று
ஓடி வந்து ஒதுங்குகிறாய் நீ
உன்னை தொட முனைந்து
தோற்றுப்போன மழைத்துளிகள்
நிலத்தில் குதித்து தற்கொலை
செய்துகொண்டிருக்கின்றன"

----------------------------------------------

"வானம் தீக்குச்சி கிழிக்க
மேகம் நீரூற்றி அணைக்க
சுத்தமாகக் கழுவப்பட்ட பாதைகளில்
கால்களைக் கிழித்து தண்டனை
வழங்கிக்கொண்டிருக்கிறது
தீட்டப்பட்ட கற்கள்
முத்தமிட வந்த
மழைத்துளிகளிடமிருந்து - உன்னைக்
குடைபிடித்துக் காப்பாற்றினேனாம்"

----------------------------------------------

"துளிகளின் இடையினில்
இடைவெளி நெடுகினில்
நிறைகிற மழை அது நீயா
நிலை குலைகிற பொழுதினில்
வழிகிற மழைத்துளி - விழிக்
குவியத்தை மாற்றுவதேனோ"

-Bavan

Heart Breakers Entertainment தயாரிப்பில் இன்று இதயத்தின் துடிப்பினில் Video பாடல் வெளியாகியுள்ளது.

• Music Composer: Vidushan
• Vocal: CV Laksh, FT R-jith Streets
• Mixing & Mastering: Thinesh Na
• Lyrics: Bavananthan
• Director of Photography and Editing: Bavananthan
• Dance Choreography: Manoshanthan & Prasanthan (KP)
• Cast: Manoshanthan , Praveena, Mast. Sabinesh
• Dancers: Jegatheepon(JK), Deva Mayuran
• Creative Head: Mathunicaa
• Creative Consultancy: Ahilan, Vergin
• Lights: Jaya Studio

இதயத்தின் துடிப்பினில் புதுவித உணர்வு
அழகிய கவிதையை ரசிக்கிற பொழுது
அவளது அதரத்தில் லயிக்குது மனசு
விழிவழி எனக்குள்ளே நுழைகிற பொழுது

கண்ணில் உந்தன் விம்பம் பார்த்து
காதலியென்றே மனக் கரம்பிடித்தேன்
உந்தன் சிரிப்பின் இசையை எடுத்தே
இதயத் துடிப்பினில் மெட்டமைத்தேன்

(இதயத்தின் )

மனமெல்லாம் நொருங்குதே
விழியில் நீ வந்து விழுகிற பொழுது
கனமெல்லாம் தொலையுதே
கவலை இல்லாத குழுந்தையின் மனசு

ஓரக்கண்ணால் எனைப் பார்த்தாயே பெண்ணே
மனமெங்கும் மழை பொழிகிறதே
தூரத்தில் நீ விடும் மூச்சின் காற்று
தென்றலாய் எனை தழுவுறதே

(இதயத்தின்)

உன் மௌனம் கொல்லுதே
ஊழித்தீயில் மனம் எரிந்தே போச்சு
என் தூக்கம் தொலையுதே
ஏகாந்த இரவுகள் எனக்காய் ஆச்சு

அழகிய பூவே நீ ஒரு வார்த்தை பேசு
பூவுக்குள் வண்டாய் நான் தொலைவேனே
கண்ணே நீ கொஞ்சம் உன் கண்ஜாடை காட்டு
காத்திருப்பேன் காலம் முழுவதுமே

(இதயத்தின்)

எனது முதலாவது குறும்படம் கடந்த  வாரம் இணையத்தில் வெளியாகியுள்ளது. எமது முதல் முயற்சியாக வெளிவந்திருக்கும் இக்குறும்படத்திற்கு ஆதரவை வழங்கிய நிறைகுறைகளைக் சுட்டிக்காட்டிய இலங்கைக்கலைஞன், தமிழிதழ் ஆகிய இணையத்தளங்களுக்கும் இந்த மனமார்ந்த நன்றிகளைத் தெரிவித்துக் கொள்கிறேன்.

மேலும் இக்குறும்படத்துக்கு தனிப்பட்ட ரீதியில் கருத்துக்களை வழங்கி திருத்திக் கொள்ள வேண்டிய விடயங்களையும் சுட்டிக்காட்டி, சிறந்த விடயங்களுக்கு பாராட்டுக்களையும் வழங்கிய அனைவருக்கும் உளங்கனிந்த நன்றிகள்.

எமது படக்குழுவினர் சார்பாக அனைவருக்கு நன்றிகளை தெரிவித்துக் கொள்வதோடு படத்தை இதுவரை பார்க்காதவர்கள், பார்த்து உங்கள் விமர்சனங்களை வழங்குமாறு கேட்டுக்கொள்கிறேன்.

என்றும் அன்புடன்
- Bavan