நீ கண்விழிப்பதே

என்னைக் கொல்லத்தானா

கதறுகிறது தினக்காலண்டர்

***

சன்டேயில்கூட எனக்கு

விடுமுறையில்லை

கிழிக்கமறந்த சனிக்கிழமை

***

பலன் பார்த்த பாலகன்

அம்மா பாக்கெட்மணி தருவியா

துலாம் - பணக்கஷ்டம்

***

செத்தவீடு

பலித்த பலன்

விருச்சிகம் – விடுதலை

***

அடித்த அலாரம்

விழித்த நான்

கிளாஸ் ஓவர்

***

உலகமே பாட்டுக்கு

பிழையாய் வாயசைக்கிறது

காதில் ஹெட்செட்

***

நினைக்க முயன்று தோற்றுப்போகிறேன்

விழித்தபடி குருட்டை உணர்ந்த கும்மிருட்டில்

காதோரம் ஒலித்த கடைசிப்பாடல்

பேனாக்களில் கூட நிறவித்தியாசம்

ஒன்று திருத்துகிறது – இன்னொன்று

திருத்தப்படுகிறது.

கணனியும் நானும் 

ஓய்வெடுக்கிறோம்

இடியுடன் கூடிய மழை

மேகம் அழுதது

கண்கலங்கியது

கார்க்கண்ணாடி

சிலந்தி கட்டிய

பளிங்கு மாளிகை

மழைத்துளி

மரத்தை

வெட்டினார்கள்

வானம் அழுகிறதாம்

இனக்கலவரம்

பெய்த மழை

கலந்த உதிரம்

முத்தமிட்ட கடல்

ருசித்த மணல்

நனைந்த கால்

விருந்துக்கு வந்த பூனை

கதவடைத்த நான்

வாயில் எலி

அறைந்த காற்று

அதிர்ந்த பல்

கடற்கரையில் மழை

உண்ணாவிரதமிருக்கும் 

குழந்தை

மேகம் மறைத்த நிலா

பிறந்தநாள் விழா

ஊட்டிய விஷம்

டயபட்டிக்ஸ் நோயாளி

சாகடிக்க போகிறேன் 

சங்கு ஊதுகிறது

காதோரம் நுளம்பு

அழைப்பு அவனுக்கு

ஆங்கிலத்தில் அவள்

கிடைக்காத அழைப்பு

ஊமையா நீ?

மேலும் கீழும் ஆடிய தலை

ஊமையான நான்