சில பாடல்களைக் கேட்ட உடனேயே அடடா என்ன ஒரு அருமையான தத்துவப்பாடல் என்று மெய்சிலிர்த்துப் போய் அப்பிடியே மீண்டும் மீண்டும் வரிகளைக் கேட்கத் தூண்டும். அந்த வகையில் "ஓ மகசீயா.." பாடலுக்குப் பிறகு எனக்கு பிடித்துப் போன(கிட்டத்தட்ட பக்கத்தில் இருப்பவர்களெல்லாம் எனக்குப் பைத்தியம் பிடித்துப் போச்சோ என்று நினைக்க வைத்த) பாடல் கலியுகம் படத்தில் இடம்பெற்ற "அஜல உஜல மசாலா கம்பனி" என்ற பாடல். என்ன ஒரு தத்துவமான வரிகள், அதுவும் ஒவ்வொரு முறை கேட்கும் போதும் வித்தியாசமான கோணங்களில் அர்த்தங்களை அள்ளித் தெளித்து அப்படியே வயிறு வெடித்து பல்லு எல்லாம் கொட்டி, தாடைகளில் எல்லாம் வலியெடுக்கும் அளவுக்கு சிரிப்பை ச்சா சிந்தனையை தரும் பாடல்.

"வாழ்வு என்ன மாயமான வாழ்வுதானடா - உன்
ஆட்டமெல்லாம் முடிந்த பின்னே ஓட்டம் தானடா"

என்று வாழ்க்கை திருக்குறள் போல இரண்டு வரிகளில் தெளிவாகச் சொல்லிவிடுகிறது இந்த வரிகள். அதற்குப் பிறகு வரும் வரிகளின் அர்த்தம் தான் மனிதனாய்ப் பிறந்த ஒவ்வொருவரும் கட்டாயம் அறிந்து கொள்ள வேண்டிய வரிகள்.

"அஜல உஜல மசாலா கம்பனி
பல்பலா ரஸ்கோலா பிஸ்கோத்துக் கம்பனி"

அதாவது அஜல உஜல என்ற மசாலா தயாரிக்கும் கம்பனியில் வேலை செய்யும் பற்பல ஊழியர்களுக்கு கோலாவும் பிஸ்கோத்தும் கொடுக்க வேண்டும். அதாவது இந்த வரிகளில் ஏழைகளுக்கு வேலை நேரத்தில் சாப்பாடு வழங்க வேண்டும் என்று குறிப்பிடுகிறார் மரண கானா விஜி.

வானத்தில தேவதை போல மனசில வச்சேன்
உள்ள ஓடும் உசிர நானும் கையில புடிச்சேன்
உன் மூக்கிலக்கீர முன்முத்து மூக்குத்தி மூளையைப் பிரட்டுது
டப்பா சோறு போல மனசு டான்சு ஆடுது

மரண கானா விஜியின் அற்புதமான குரலில், சலனமில்லாமல் ஆரம்பித்து மெதுவாக அழகாக நகர்ந்து வரும் பாடலின் அடுத்து வரும் இந்த வரிகள் இன்னும் சில காலங்களில் காதல் காவியங்களில் இடம்பிடித்து தமிழ் இலக்கிய உலகை உலுக்கி ஆட்டிப்படைக்கப் போகிறது என்பதில் ஐயமில்லை.

தேவதைகள் பூமிக்கு வருவதில்லை எனவே தேவதையை கவிஞர் மனதிலே வைத்துக் காதலிப்பதாகவும், நாடித்துடிப்பை அறிய வைத்தியர்கள் கையில் நாடி பிடித்துப் பார்ப்பதை கருத்தில் கொண்டு உள்ள ஓடும் உசிரை கையில புடிச்சேன் என்று சொல்லும் கற்பனை அபாரம்.

பெண்களின் மூக்குக்கும் மூக்குத்திக்கும் மூளைக்கும் ஆரம்ப எழுத்து மட்டுமல்ல ஆண்களின் மூளையைப் பிரட்டி யோசிக்க வைக்கக் கூடிய அற்புத ஆற்றல் இருக்கிறது என்பதை எதுகை மோனையுடன் சொல்லியிருப்பதும், சோற்று டப்பாவை கொண்டு செல்லும் போது டப்பாவுக்குள் இருக்கும் சோறு எப்படியெல்லாம் பாடுபடுமோ அப்படிப் பாடுபடுவதாகக் குறிப்பிடுவது வரை பிரமாதம்.

ஓட்ட மைதானத்தில வெளையுதடா நெல்லு
நீ சண்டை வந்தா எடுக்காதடா கல்லு
பீல் பண்ணாதடா லச்சை நான் காறி உமிழ்வேன் எச்சை
நீ சாராயத்தைக் குடிச்சா நான் சண்டையில புலி
சென்ரல் ஜெயில்ல அண்ணன் தம்பிக்கு குடுக்கிறான்டா கழி
கழியின்னா கெவரு இது கவர்மன்டு பவரு
அட என்னா தம்பி நிக்குற இடத்த விட்டு நவரு
கஞ்சித்தண்ணி புல்லாவுக்கு
பழக்கத்திலுள்ள பாப்பாவுக்கு ஊத்தினான்டா தேரு
மச்சான் அவ போறா அவ எனக்கு மொற
கையால விட்டேன் பாரு அறை
வாயில மூக்கில தள்ளப் போவுது நொரை

அது வரை மிகவும் அமைதியாகச் சென்று கொண்டிருந்த பாடல் திடீரென்று வேகம் பிடித்து பள்ளத்தில் இறங்கிய பிரேக் இல்லாத சைக்கிள் போல வேகமாகச் செல்கிறது.

ஒவ்வொரு வரியும் ஆச்சரியங்களையும், வியப்பையும், மரண கானா என்ற பெயர் ஏன் தனக்கு வைக்கப்பட்டது என்பதையும் பாடலாசிரியர் காட்டுவதாகவும் அமைகிறது. இந்தப்பாடல் சரித்திரத்தில் முக்கிய இடம் பிடித்து அனைவது தலையையும் பிய்த்துக் கொண்டு கட்டாயம் தெருத்தெருவாகஅலைய வைக்கும் என்பது மறுக்கமுடியாத உண்மை. =P

 கோ படத்தின் என்னமோ ஏதோ - இந்தப்பாடலைக் கேட்டுக்கும் போது இவை மட்டுமல்ல இன்னும் என்னமோ ஏதோ எல்லாம் செய்கிறது இதன் இசை. ஹாரிஸ் ஜெயராஜ் அப்படியே மனதில் தேனைப் பிழிந்து ஊற்றி என்னமோ ஏதோ செய்துவிட்டார். எனது மொபைல் ரிங்டோன், அலாரமிலிருந்து, நீங்கள் அழைப்பெடுக்கும் போது போகும் Caller tune வரை அனைத்தையும் என்னமோ ஏதோ ஆட்கொண்டுவிட்டது. தினமும் ஆலாப் ராஜுவின் குரல் என்னைச்சுற்றி ஒலித்துக்கொண்டே இருக்கிறது.

தயவு செய்து இந்தப்பதிவைப்படிக்காதவர்கள் படித்துவிட்டு வரவும், சத்தியமா இந்தப்பதிவுக்கு எதிர்ப்பதிவல்ல


தமிழ்ப்படத்தின் ஓ.. மகசீயா பாடல் - இந்தப்பாடலை இதுவரை எத்தனை தடவை கேட்டிருப்பேன்? ஹீஹீ அதையெல்லாம் எண்ணிகிட்டிருக்க முடியுமா..:p அப்படியே கண்ணை முடிக்கொண்டு ஏன் திறந்துகொண்டு கேட்கும் போதுகூட என்னை சிரிப்புலகுக்கு கூட்டிக்கொண்டு போய் காமடி மன்னர்களின் மத்தியில் நிற்க வைத்தது போல ஒரு உணர்வு. மீண்டும் மீண்டும் கக்கபிக்கே கக்கபிக்கெ என்று சிரிக்கத்தூண்டும் பாடல். இந்தப்பாடலைக் கேட்டும்போது அடிவயித்திலிருந்து ஒரு சிரிப்புபெடி அப்படியே மேலே ஏறி கபாலம்வரை சென்று அங்கிருக்கும் முடியை கம்பிபோல எழுப்பிவிட்ட பின்னர், வாய்பழியாக வெடித்துப்பீறீ கலகலவென சிரிப்பு கொட்டுகிறது.  


ஸ்வேதாவின் குரலில் சலனமில்லாமல் ஆரம்பித்து அப்படியே கீபோர்ட் இசை மற்றும் ஹரிஹரன் FEEL பண்ணிப்பாடும் குரல் ஆகியன அப்படியே ஒரு மொக்கையர் உலகத்துக்குள் இழுத்துப்போட்டுவிடுகிறது. பாடல் முழுவதும் உறுத்தாமல் வந்துபோகும் அர்த்தமுள்ள வரிகள் பாடலின் சிறப்பம்சம்.  


பாடல் படமாக்கப்பட்ட விதம்தான் இந்தப்பாடலின் ஒட்டுமொத்த அர்த்தத்தையும் வெளிப்படுத்தி மப்பும் மந்தாரமுமான காலைவேளையில் ஆரம்பிக்கும் பாட்டு கூவம் ஆற்றங்கரையோரமாக கதாநாயகியை நாயகன் விட்டு துரத்துவதும் அதன்பின்னர் தனது மந்திரஜாலத்துக்குள் நாயகியைக்கட்டுப்படுத்திய நாயகன் நாயகியை பாடும்படி செய்யும் சைகையை உணர்ந்து அவர் பாட ஆரம்பிக்கும் காட்சி அற்புதம்.  


ஓ.. மகசீயா.. ஓ.. மகசீயா.. 
நாக்கமுக்க நாக்கா ஓ.. சக்கலாக்கா... 
ஓரண்டக்கா..  


மகசீயா என்று அக்கறையுடன் காலையில் எழுந்ததும் நாக்கு மூக்கு கழுவினியா? பல்லுவிளக்கி ஓரமாச்சப்பித்துப்பினியா என்று காதலன் காதலி ஆகியோர் அக்கறையுடன் விசாரிப்பத்துக்கொள்வது போல ஆரம்பிக்கும் வரிகள் நாமும் பல்லுவிளக்கினோமா என்று ஒருதடவை சிந்திக்கவைக்கிறது. 


ஓ..லாகி ஓ..லாகி 
ஆயக யகியகி மெஹோ மெஹோ 
டைலாமோ டைலாமோ 
ரஹதுல்ல சோனாலி..ஓ..  


லாகி என்று காதலனை அழைத்து ஆயா வந்து யகீஈ.. யகீஈ.. என்று ஈ என்ன பல்லை விளக்கிவிட்டார் என்று குறிப்பிடுவது முதல் ஆமாம் ரஹத்துல்ல சோனாலி என்ற ஆயா தைலம் கூடத்தடவி விட்டார் என்று குறிப்பிடுவது, தைலத்தின் வாசனையை அப்படியே மூக்கின் முன் கொண்டு வந்து நிறுத்துகிறது.


சாம்ப சம்பாலே..
ஓ சூசே சாயோ சாயோ..
ஹசிலி பிசிலி..
இல்லாகி..
யப்பா ஜிப்பா


சாம்பலாலே நீ பல்லு விளக்கினியா? இல்லை காலையிலெழுந்து சாயா(தேனீர்) குடிச்சியா? கசக்கிப்பிழிஞ்சு உன் ஜிப்பா துவைச்சியா என காதலி கேட்க அதற்கு காதலன் பதில் சொல்லும் காட்சி நாற்றமடிக்கும் துவைக்காத எமது சட்டையை நினைவில் கொண்டுவந்து நிறுத்துகிறது.


டைலமொ டைலமொ..பல்லெலக்க..
நாக்க முக்க நாக்க..
ஓ ஷகலக்க..
ஓ ரண்டக்க


பாடலை முதன்முறை கேட்ட போதே என்னை மிகவும் கவர்ந்த வரிகள் இவை, தைலம் தன் பல்லில் பட்டுவிட்டதாக காதலியிடம் காதலன் உருகித் தெரிவிக்கும் காட்சி எமது பல்லையும் ஒரு தடவை கூசச்செய்கிறது. அதன் பின்னர் காதலி கவலைப்படாதே நாக்கில மூக்கில படலத்தானே என்று சமாதானப்படுத்துவது, அவர்களின் அன்பை எரிச்சலின்றிக் காட்டுகிறது.


ஏ சல சாலா..
இஸ்க்கு பரா(ட்)ரா..
ஒசாக முராய..
பூம் பூம் ஜக்காக்கா..
முக்கால்லா..
மய்யா மய்யா


இந்தவரிகளை எவ்வாறு விபரிப்பது? உங்களுக்கு என்னவெல்லாம் தோன்றுகிறது, உங்களுக்கு வைக்கப்படட் பராட்டாவையும் சால்னாவையும் பூனை தின்றது போன்ற உணர்வைத் ஏற்படுத்துகிறதா? வரிகளில் சொல்லப்படும் பராட்டாவை பூனை திருடிவிட்டது என்று பசியுடன் காதலன் சொல்லும் இந்த வரிகளில் வரும் பராட்டாவை வாயால் சாப்பிடவே முடியாது.


கலாட்டாவுடன் ஒருமுறை கேட்டுப்பாருங்கள்...