என்னமோ ஏதோ...
எண்ணம் திரளுது கனவில்!
வண்ணம் பிரளுது நினைவில்!
கண்கள் இருளுது நனவில்!
என்னமோ ஏதோ..
முட்டி முளைக்குது மனதில்!
வெட்டி எறிந்திடும் நொடியில்!
மொட்டு அவிழுது கொடியில்!

ஏனோ குவியமில்லா குவியமில்லா ஒரு காட்சிபேழை,
ஓஹோ உருவமில்லா உருவமில்லா நாளை..
ஏனோ குவியமில்லா குவியமில்லா ஒரு காட்சிபேழை,
ஓஹோ அரைமனதாய் விடியுது என் காலை...

இரண்டாவது விடயம் இப்பாடலின் வரிகள். மதன் கார்க்கியின் இந்த வரிகளுக்கு சல்யூட். என்ன ஒரு நவீனத்துவமான கற்பனை. படத்தில் போட்டோகிராபராக வரும் ஹீரோவுக்கு காதல் வந்தால் மனதில் Out of focus ஆக விம்பம் தோன்றுவதாக கூறுவது போல் எழுதிய வரிகள் மனதைச் சிலிர்க்க வைக்கிறது.

Let’s Go..
Wow.. Wow..
உங்களின் தமிழச்சி .. என்னமோ ஏதோ You’re looking too Black,
மறக்க முடியலையே என் மனம் அன்று..
உன் மனசோ Lovely,
இப்படியே இப்போ
உன் அருகில் நான் வந்து சேரவா இன்று
Lady Looking Like a Cindrella Cindrella,
Naughty look-u vita தென்றலா
Lady Looking Like a cindrella cindrella,
என்னை வட்டம் இடும் வெண்ணிலா
Lady Looking Like a Cinderella Cinderella,
Naughty look-u vita தென்றலா..
Lady Looking Like a Cinderella Cinderella,
என்னை வட்டம் இடும் வெண்ணிலா

பாடலில் அடுத்து பிடித்தது என்னமோ எம்சிஜாஸ், ஸ்ரீசரணின் இந்த RAPதான், அமைதியாக பெருவிரலையும் தலையையும் ஆட்டியபடி கண்ணைமூடி ரசித்துக் கொண்டிருக்கும் போது வரும் பாடலில் இந்த இடம் பவர்பிளேயில் சிக்ஸர்கள் பறக்கும் போது ஏற்படும் உணர்வைக் கொடுக்கிறது.

 என்னமோ ஏதோ... இப்பாடல் சிக்கி தவிக்குது மனதில், ரெக்கை விரிக்குது கனவில், விட்டுப் பறக்க மட்டும் மாட்டேன் என்கிறது தொலைவில். என்னமோ ஏதோ நீங்களும் இன்னொருமுறை கேளுங்களேன்.

சித்ரா மகள் மரணம்

பாடகி சித்ராவின் 8 வயது மகள் நந்தனா துபாயில் நீச்சல் தடாகத்தில் தவறி விழுந்து இயற்கையெய்திய செய்தி அறிந்து மிகவும் அதிர்ச்சியடைந்தேன். எமக்கு ஏதாவது ஒரு வகையில் பிடித்த ஒருவருக்கு வரும் துன்பம் அல்லது இழப்பு எம்மையும் அதிர்ச்சியில் உறைய வைத்துவிடுகிறது. எம்மை எத்தனையோ பாடல்கள் பாடி மகிழ்வித்த பாடகி சித்ராவின் மகள் நந்தனாவின் இழப்பால் துயருரும் அனைவருக்கும் ஆழ்ந்த அனுதாபங்களைத் தெரிவித்துக் கொள்கிறேன்.



***

சித்திரைப்புத்தாண்டு வாழ்த்துக்கள்

எனது அனைத்துப் நட்புக்களுக்கும் எனது மனமார்ந்த சித்திரைப்புத்தாண்டு வாழ்த்துக்களைத் தெரிவித்துக் கொள்கிறேன். திருமலையில் அனலடிக்கும் வெயிலுக்கு மத்தியில் சித்திரைப்புத்தாண்டு இனிதே கொண்டாடப்பட்டது. சித்திரைக்குப் பின்னால் வெயில் அதிகரிக்குமாம், ங்கொய்யால இப்பவே வெயில் தாங்க முடியல..:-o

***

சார்ளி சாப்ளின்

நகைச்சுவை என்றால் உடனே எமக்கு ஞாபகம் வரும் பெயர்களில் சார்ளி சாப்ளினும் ஒருவர். அண்மையில் இவரது வாழ்க்கை வரலாறு படித்தேன், எல்லாரையும் சிரிக்க வைப்பவர்களின் வாழ்க்கை எவ்வளவு சோகமானது என்று அதைப் படித்த பின்னர் புரிந்து கொள்ள முடிந்தது. எத்தனை சோதனைகள் வந்த போதும் அதையும் தாண்டி சாதனைகள் படைந்த சாதனை நாயகன் சார்ளி சாப்ளினுக்கு நாளை 122வது பிறந்த நாள். பிறந்தநாள் வாழ்த்துக்கள் தலிவா..



சிரிப்பு இல்லாத நாள், வாழ்நாளில் வீணாகக்கப்பட்ட நாளாகும் என்று சார்ளி சாப்ளின் சொல்லியிருக்கிறார், எனவே கீழே உள்ள வீடியோவைப் பார்த்து சிரிங்க..:P





***

DamnItsTrue

அண்மையில் TWITTERரின் கண்ணில் பட்ட @DamnItsTrue  என்ற ருவிட்டர் கணக்குக்கில் TWEET செய்யப்படும் விடயங்கள் மிகவும் சுவாரஸ்யமாக இருக்கிறது. “Facts that are relevant to your daily life” என்று தன்னைப் பற்றி கூறியிருக்கும் இத்தளம் அன்றாட வாழ்க்கையில் நடக்கும் சில விடங்களை tweet செய்யும் போது அது எமது எண்ணங்களோடு ஒத்துப்போகும் போது ஏற்படும் மகிழ்ச்சியை தவிர்க்க முடியவில்லை.

http://twitter.com/DamnItsTrue


***

CJ7



அண்மையில் CJ7 என்ற ஒரு சீனத்திரைப்படம் ஒன்று பார்த்தேன். வறுமையான குடும்பத்தில் பிறந்த தாயில்லாத ஒரு சிறுவனை படிக்க வைக்கப் போராடி கடுமையாக உழைக்கும் கட்டிட நிர்மாணப் பணி செய்யும் அவனது தந்தை ஆகியோரை மையமாக் கொண்டு கதை நகர்கிறது. இவர்களுக்கு குப்பைத் தொட்டியிலிருந்து கிடைக்கும் ஒரு ஏலியன் நாய்க்குட்டியின் சாகசங்களும் பின்னர் அந்த CJ7 இவர்களுக்குச் செய்யும் உதவிகளும்தான் கதை. கதை சலிப்புத்தட்டாமல் அருமையாக நகர்கிறது. கட்டாயம் பார்க்கவேண்டிய படம்.



***

இரசித்த குறும்படம் - 5ருபா