வலியோடு போராடும்
வாழ்க்கையிலே...
விழியோரம் நீர் மோதிப்
பார்க்கிறதே...

வலி இல்லாக்
கலையென்றும்
நிலையானதில்லை

நிலை கொண்டு
நீ மோது
உனக்கேதெல்லை
-Bavan

Title - Untitled
Vocal - Ragu Branavan, R-jith, CV Laksh, KJ, Joney FDZ
Music - Vidushan

Here we go Listen my flow
We are the king
who born here to sing
Now we are gonna rule our Tamil Hip Hop - and
you never ever thought of our explode grow up
you just wanna be on our head to step  up - so
We gonna do shake our head if it's dust up.

Yo! Our heating Beat will let you in my feet - so
get ready to face the effect of your cheat
We just wanna be a very good singer but
people like you make us rise up middle finger.

இதழோரம் நீயும்
சிரித்தாலே போதும்
இமை மூடி நான் வீழுவேன்

இறகொன்றில் மோதி
இறக்கின்ற போதும் - உன்
விழி கண்டு உயிர் மீளுவேன்

அவிழ்கின்ற பூவும்
அதிகாலை நிலவும்
அழகென்று நினைத்தேனடி

உன் அதரத்தின் ஓரம்
நா மோதும் ஈரம் - நான்
ஞானத்தில் குளித்தேனடி

பிறக்கின்ற நொடியும்
இறக்கின்ற வலியும்
ஒன்றாக உணர்ந்தேனடி

அலைபாயும் விழியில்
அறைந்தாயே என்னை
ஐயையோ தொலைந்தேனடி

Image Courtesy: www.heavtryq.com

கற்களையும் முட்களையும்
மேடுகளையும் பள்ளங்களையும்
மலைகளையும் காடுகளையும்
தாண்டிச் சென்று கொண்டிருந்தோம்
எட்டி உதைவதற்கு நாங்கள் ஒன்றும்
ஏணியில் ஏறிச் செல்லவில்லை
இரும்புத் தரையில் நெருப்பு மூட்டி - அதன்
மேல் நடக்கும் கந்தகப் பயணம் அது

நீ வேகமாக ஏறிச் சென்று
கற்களை உருட்டிவிட்டாய்
நாம் அதில் தாறுமாறாக அடிபட்டு
குருதியில் குளித்து வந்தோம்

ஏதோ ஒரு சமதரையில் - நாம்
மீண்டும் சந்தித்தபோது
நீ உனக்கு முன் சென்ற
ஒருவனுடன் சேர்ந்து
எமக்கு வீசுவதற்க்கு குண்டுகள்
தயாரித்துக் கொண்டு இருந்தாய்

விலகி ஓடி உயிர் தப்பி
வேறு பாதையில்
சென்று கொண்டிருக்கிறேன்

நான் மேலேறி பிழைத்து வந்தால்
உனக்கு கற்களைக் கொண்டு
வீசப்போவதில்லை

மாறாக நயவஞ்சகத்துக்கும்
பாறைகளையும் குண்டுகளையும்
தாங்கிக் கொள்ளும்
வலிமையான மனதைப்
பெறச் செய்த உதவிக்கும்
நன்றிகள் சொல்லி
விடைபெற்றுக் கொள்வேன்

முடிந்தால் வெவ்வேறு
சிகரங்களிலிருந்து
மீண்டும் சந்திக்கலாம்.

-Bavan

சொல்லதெல்லாம் உண்மை என்பார் - தான்
செய்வதெல்லாம் நன்மை என்பார்
பெயர் புகழெல்லாம் எனக்கு
பிடிக்காத விடயமென்பார்

செயற்கரிய செயல்கள் செய்வார்
சாட்டையாலே எமை அறைவார்
தழும்புடன் ஓடி வந்து வலியுடன்
நாம் நிற்கையிலே
ஐயையோ என்னாச்சு என்று
அழகாய் மெல்ல நடிப்பார்

குமட்டுக்குள்ளே சிரிப்பார்
கழுத்திலே கத்தி வைப்பார்
வஞ்சனைகள் பல செய்வார்
வாயை மூடித்தான் இருப்பார்

மனதினிலே நஞ்சை வைத்து
நீ செய்தது எல்லாம் தவறு என்பார்
இடம் பொருள் ஏவலின்றி
வார்த்தைகளை உமிந்து வைப்பார்
நா தசை நரம்பின்றி
எண்ணங்களை விதைப்பார்
கடைசியிலே கெட்டவன் நீ
சேராதே என்றுரைப்பார்

வார்த்தைகள் பிழை என்றால்
வாழ்க்கையே பிழை தானே
எண்ணங்கள் பிழை என்றால்
எல்லாமே பிழைதானே

-Bavan

யாருமே இல்லாத
நட்ட நடு இரவு
விழி மூடிய எனக்குள்ளே
விழித்துக்கொண்ட கனவு

பாழடைந்த வீட்டுக்குள்
பாதி நிலா தெரியும்
இருட்டுக்குள்ளே விழிகளெல்லாம்
விரைந்து கொண்டு விரியும்
மின் அணுக்களின் ஓட்டத்தின்
காற்தடங்கள் புரியும்
காதுகள் தன் கூர்மையிலே
வைரம் கூட அரியும்

இல்லாத உனைத் தேடி - அவள்
கண்கள் அலை பாயும்
கடலோர நுரைகளிலே என்
காதல் மனம் ஊறும்

இதழோர வியர்வையும்
அவள் நாவினிலே சாகும்
அதரத்தில் வாய் மோதி அதன்
உயிர் மீட்பேன் நானும்

அன்புள்ள பேயே - நீ
உயிரோடு உள்ளாயா
ஐயையோ மறந்து விட்டேன்
செத்தால் தான் பேயாமே

ஆவியென்ன பேயென்ன
கொள்ளிவாய்ப் பிசாசென்ன
காதலி என் இடக்கரத்தை
இழுத்து அணைக்கையிலே

வழிதவறிக் கூட நீ
என் வலது பக்கம் வந்திடாதே
உன்னை விடக் கொடுரமாம்
என் வலதுகையின் வயிற்றெரிச்சல்

இலை குளித்த பனி நீரும்
என் மீது வீழ்ந்தாலே
தலை தெறிக்க ஓடுவது
நானாகத் தான் இருக்கும்
அவளுக்கு பேய் பயமாம் - எனை
இறுக்கிக் கட்டிக்கொண்டாள்
எனக்கு நாய் பயம் தான் என்று
நானும் ஒட்டிக் கொண்டேன்

கட்டிப்பிடி வைத்தியத்தை
கண்டு பிடித்த கமல் ஐயா
சாமியே இல்லா உமக்கு எத்தனை
கோவில் கட்டினாலும் தகும் ஐயா

அன்புள்ள பேயே நீ
அவளை மட்டும் பயமுறுத்து
காதலி முன்னிலையில் 
வீரனாய் எனை நிலைநிறுத்து

அவள் முத்ததின் மோட்சத்தில்
மூச்சு முட்டி போவேனா - இல்லை
உன் சத்ததிலே கோரத்தில்
செத்துக் கித்து வீழ்வேனா