வைகைப்புயல் வடிவேலுவின் சிறப்பான நடிப்பில் வெளிவந்து திரையரங்குகளில் வெற்றிநடை போட்டுக்கொண்டிருக்கும் "சுறா" படத்தை இன்றுதான் பார்க்க நேரம் கிடைத்தது. ஆரம்பத்திலேயே கடலுக்குள்ளிருந்து கையைக்கூப்பிய படியே ஒருவர் வெளியே வருவதும், நாம் அவர் ஹீரோ வடிவேலுதான் என்று நினைத்துப்பார்த்துக்கொண்டிருக்கும் வேளையில் ஒருவரும் எதிர்பாராத விதமாக ஹீரோ வடிவேலுவின் நண்பர் கதாபாத்திரத்தில் நடித்திருக்கும் விஜயை காட்டி புதிதாக ஒரு முயற்சியை எடுத்திருக்கும் இயக்குனரை எப்படிப்பாராட்டுவதென்று தெரியவில்லை.
அதன் பின்னர் படகுப்போட்டிக்கு இல்லாத மீசையை முறுக்கியபடி கிளம்பும் வடிவேலுவை ஊரே சேர்ந்து வாழ்த்தி அழைத்துக்கொண்டு செல்வதும் அவர்களுக்கு வடிவேலு தனது மீன்பிடி வலையை விற்று ஆளுக்கு 50 ருபா கொடுப்பதும் அவரின் இரக்க குணத்தைப்பறைசாற்றும் காட்சிகளாக அமைந்துள்ளன. ஆனால் வழக்கமாக தனது படங்களில் மீசையை வரைந்து வரும் வடிவேலு இந்தப்படத்தில் கெட்டப் சேஞ்ச் பண்ணி மீசை வரையாமல் வருகிறார். அதன் பின்னர் நாய்க்குட்டி இறந்தமைக்காக தற்கொலை செய்ய கடலுக்கு வரும் தமன்னா மீது வடிவேலு காதல் கொள்வதும் ஆனால் தமன்னா விஜயைத்தான் காதலிக்கிறார் என்று தெரிந்து வடிவேலு தனது காதலை மனதுக்குள்ளேயே போட்டு பூட்டுப்போட்டுப் பூட்டி சாவியைக்கடலுக்குள் எறிந்திருப்பதும் தியாகத்துக்கு அச்சாணி போடும் காட்சிகளாக அமைந்திருக்கிறது.
அடுத்ததாக தான் காதலித்த காதலி தன்னிடமே வந்து விஜயைத் தான் காதலிப்பாதாகவும் அதற்கு உதவுமாறும் கேட்டபோது, நட்புக்காக தனது UMBRELLA என்ற பெயருக்கு ஏற்றாற் போல் மனதைக் குடையாக விரித்து உதவுவது குறிப்பிடத்தக்கது. விஜய்க்காக ஏணி தூக்கிக் கொண்டு போவதும், அதன் பின்னர் அவரைத் தேடி வரும் ஒரு கொலைக் கைதிக்குகூட டீ(TEA), சிகரட் என எல்லாம் வாங்கிக்கொடுப்பதும் அவரது இளகிய மனதைக் காட்டுவதாக உள்ளன.
கடைசியில் தனது நண்பனைக்காப்பாற்ற போலீஸ் அதிகாரி வீட்டில் கஞ்சா கொண்டு போய் வைப்பது அவரது புத்திசாலித்தனத்தை பறைசாற்றியுள்ளது. ஆனால் தமிழ்சினிமா வரலாற்றிலேயே இப்படியான ஒரு படம் இனி வருமா என்பது சந்தேகம்தான், ஏனெனில் இந்தளவுக்கு நட்புக்கு முக்கியத்துவம் கொடுக்கும் படத்தை இதுவரை நான் பார்த்ததே இல்லை. படத்தின் தலைப்பைக்கூட அம்பிரல்லா என்று வைக்காமல் சுறா என்று ஹீரோவின் நண்பர் கதாபாத்திரத்தின் பெயரைவைத்து அது நட்புக்கு முக்கியத்துவம் கொடுக்கும் படம் என்பதை காட்டியிருக்கிறார் இயக்குனர்.
அதுதவிர ஹீரோவுக்கு ஒரு பாட்டுக்கூட இல்லாமல் படம் எடுக்கப்பட்டிருப்பது, இன்னுமொரு வித்தியாசமான விடயம். அதுவும் அந்த துணை நடிகர் வரும் அந்த டூயட் பாட்டு கர்னாடக சங்கீதத்தையும், வெஸ்டேர்னையும் கலந்து அப்பிடியே கானாவுக்குள் தொட்டுத் தொட்டு வரும் இடங்கள் அற்புதம். ஒரு தடவை அந்த "நான் நடந்தால் அதிரடி" பாடலைக் கேட்டுத்தான் பாருங்களேன்.
சுறா = நட்பு +தியாகம்+புதுமை+இரக்கம்+அம்பிரல்லா +:P
Tweet
நான்தான் முதலாவது
(கன்கொன் எனக்குப் பிறகுதான் :p