வர்த்தக பிரிவில் 60 மாணவர்கள். 3 வகுப்புகளாக பிரிக்கப்பட்டோம்.மீண்டும் சில புதுமைகள் எனக்காக காத்திருந்தன. சிறிய வகுப்பறைகள், பல்வேறு வித்தியாசமான சூழலை சேர்ந்த மாணவர்கள், ஏன் அவர்கள் பேசும் தமிழ் கூட எனக்கு வித்தியாசமாகத்தான் இருந்தது. முதல் நாள் வகுப்பு என்றால் கேட்க வேண்டுமா ? நீண்ட இடைவெளிக்கு பின்னர் சந்தித்துக்கொண்ட நண்பர்களின் கலகலப்பு,ஆரவாரம் மிகுந்து வகுப்பறை மிகவும் களேபரமாக காணப்பட்டது.
Tweet
என்னை போல் இன்னும் சில புது முகங்கள் காணப்பட்டன. அப்பாடசாலை மாணவர்களால் சுற்றி வளைக்கபட்டேன். அடுக்கடுக்காய் பல கேள்வி கணைகளை அள்ளி வீசினார்கள். பதில் சொல்லி முடிப்பதக்குள் திடீரென மயான அமைதி, வேறென்ன வகுப்பாசிரியர் விஜயம்தான்.
எனது ஆசிரியர்கள் பற்றி நான் கூறியே ஆக வேண்டும்.
வகுப்பாசிரியர்: மிகவும் சிறந்த மனிதர், அனால் அவர் கற்பிக்கும் போது அவரது இருக்கையை விட்டு எழுந்தால் அது பாலைவனத்தில் விழுந்த் மழைதுளி போல, ஆனால் அவரது கற்பித்தலை குறைகூற முடியாது, ஆங்கிலத்தில் மிகுந்த பற்று உடையவர்.கோபம் வந்தால் கூட ஆங்கிலத்தில்தான் திட்டுவார் என்றால் பாருங்களேன்
Accounts ஆசிரியர்: மிகவும் கண்டிப்பான மனிதர், இவர் வகுப்பில் உட்கார்ந்ததே கிடையாது. தன் பணியை சிறப்பாக புரிபவர், நாம் பாடத்தில் பிழை விட்டால் பொன் மொழிகளால் அர்ச்சிக்கவும் தயங்கமாட்டார்.
வணிக கல்வி ஆசிரியை: மிகுந்த அவசரக்காரர், எடுத்ததக்கெல்லாம் கோபப்படுவார் ஆனால் அவரின் கோபம் எமக்கு மிகுந்த சிரிப்பை ஊட்டும்.... வடிவேல் comedy ல் வரும் சிரிப்பு police மாதிரி இவரை சிரிப்பு ஆசிரியர் என்றும் அழைக்கலாம்.
இங்கு ஆசிரியர்கள் பற்றி நான் சொல்ல காரணம் அடுத்துவரும் எனது சுவடியில் இவர்கள் பற்றிய சில சுவாரசியமான சுவடுகளை உங்களுக்கு தரலாம் என எண்ணியுள்ளேன்.
-மீண்டும் வருவேன்-
This is really a great work bavan...it's make happy & fun feelings 2 u..........
I like it ..............!!